നിങ്ങളുടെ കുട്ടികള്‍ സ്വന്തം പേര് പറയാന്‍ സാധിക്കാത്തവരാണെങ്കില്‍ , അന്യരുടെ മുഖത്തു നോക്കാന്‍ മടിയുള്ളവരാണെങ്കില്‍, ചിരിക്കാത്തവരും ,സുഹൃത്തുക്കള്‍ ഇല്ലാത്തവരും ആണെങ്കില്‍ ,ഒറ്റയ്ക്ക് കളിക്കുന്നവരും കുടുംബാംഗങ്ങളോടുപോലും അടുപ്പം ഇല്ലാത്തവരും ആണെങ്കില്‍ നിങ്ങള്‍ അവരെ പ്രത്യേകം ശ്രദ്ധിക്കുക.നിങ്ങളുടെ കുഞ്ഞിന് ഓട്ടിസം എന്ന രോഗം ഇല്ല എന്നുറപ്പിക്കാന്‍ വേണ്ട ടെസ്റ്റുകള്‍ നടത്താന്‍ താമസിക്കരുത്‌.
ശൈശവത്തില്‍ തന്നെ ഉണ്ടാകുന്നതും എന്നാല്‍ പ്രാരംഭ ഘട്ടത്തില്‍ തിരിച്ചറിയാന്‍ ബുദ്ധിമുട്ടുള്ളതുമായ രോഗമാണ് ഓട്ടിസം.ഈ രോഗം ഉണ്ടാകാനുള്ള കൃത്യമായ കാരണം ഇനിയും കണ്ടുപിടിക്കേണ്ടിയിരിക്കുന്നു.പാരമ്പര്യം ഒരു പരിധിവരെ ഈ രോഗത്തിന് ഒരു പ്രധാന കാരണമാകാമെങ്കിലും ഗര്‍ഭ കാലയളവില്‍ അമ്മയ്ക്കുണ്ടാകുന്നതോ ,ആദ്യമാസങ്ങളില്‍ ശിശുവിനുണ്ടാകുന്നതോ ആയ റൂബെല്ല (ജെര്‍മ്മന്‍ മീസില്‍സ് ) തുടങ്ങിയ വൈറല്‍ രോഗങ്ങള്‍ ,പ്രസവ സമയത്തുണ്ടായ താമസം കൊണ്ട് ഗര്‍ഭസ്ഥ ശിശുവിന് ഒക്സിജെന്‍ കിട്ടായ്ക തുടങ്ങിയബുദ്ധിമുട്ടുകള്‍ ,മസ്തിഷ്ക്കത്തിലെ തകരാറുകള്‍ , ഉപാപചയ പ്രവര്‍ത്തനങ്ങളിലെ അസന്തുലിതാവസ്ഥ തുടങ്ങിയവയും ഒട്ടിസത്തിനു കാരണമായി പറയുന്നു. ഗര്‍ഭിണിയായ മാതാവിനോ,നവജാത ശിശുവിനോ എടുക്കുന്ന ചിലയിനം പ്രതിരോധ കുത്തിവയ്പ്പുകള്‍ ചിലപ്പോഴെങ്കിലും ഈ രോഗത്തിന് കാരണമാകാറുണ്ട്.
ഗര്‍ഭധാരണ സമയത്തെ മാതാപിതാക്കളുടെ പ്രായക്കൂടുതല്‍ കുഞ്ഞിന് ഓട്ടിസം ഉണ്ടാകാനുള്ള പ്രധാന കാരണങ്ങളിലൊന്നായി പുതിയ പഠനങ്ങള്‍ വെളിപ്പെടുത്തുന്നു. നാല്‍പ്പതോ,അതില്‍ക്കൂടുതലോ വയസ്സുള്ള പിതാവിന് ജനിക്കുന്ന കുഞ്ഞിന് ഓട്ടിസം ഉണ്ടാകാനുള്ള സാധ്യത മുപ്പതു വയസ്സില്‍ താഴെയുള്ള പിതാവിനുണ്ടാകുന്ന കുഞ്ഞിനേക്കാള്‍ ആറു മടങ്ങ്‌ കൂടുതലാണ് എന്ന് അടുത്ത ഇടെ നടത്തിയ ഒരു പഠനത്തില്‍ വെളിവായി. പ്രായം വര്‍ധിക്കുമ്പോള്‍ ബീജത്തിന് സംഭവിക്കുന്ന ജനിതക മ്യൂട്ടേഷന്‍ ആകാം ഇതിനു കാരണം.
ഈ രോഗത്തിന്റെ ലക്ഷണങ്ങള്‍ സാധാരണയായി ഒന്നര വയസ്സിനും മൂന്നു വയസ്സിനും ഇടയിലുള്ള കാലയളവില്‍ പ്രത്യക്ഷപ്പെടാറുണ്ട്. കുഞ്ഞിനെ നന്നായി നിരീക്ഷിക്കുന്ന മാതാപിതാക്കള്‍ക്ക് ഈ കാലയളവിനു മുന്‍പുതന്നെ രോഗത്തിന്റെ ലക്ഷണങ്ങള്‍ കണ്ടുപിടിക്കാനാവും. കുട്ടിയുടെ മാനസികവും,ശാരീരികവുമായ വളര്‍ച്ച സാധാരണ കുട്ടികളുടെതിനേക്കാള്‍ കുറവായിരിക്കും. സാധാരണ കുട്ടികളെ അപേക്ഷിച്ച് ഇവര്‍ സംസാരിച്ചു തുടങ്ങുന്നത് വളരെ വൈകിയാകും, ചിലപ്പോള്‍ തീര്‍ത്തും സംസാര ശേഷി ഇല്ലാത്തവരുമാകാം.മറ്റുള്ളവരുമായി ആശയ വിനിമയം നടത്തുന്നതില്‍ ഇവര്‍ വളരെ പുറകിലായിരിക്കും. സംസാരിച്ചു തുടങ്ങിയാല്‍ തന്നെ മറ്റുള്ളവര്‍ക്ക് വ്യക്തമാകാത്ത സംസാരം ,ഒരേ വാക്ക് വീണ്ടും വീണ്ടും ആവര്‍ത്തിക്കല്‍ എന്നിവ ഇവരില്‍ ഉണ്ടാകാം.സംസാരിക്കുമ്പോള്‍ മുഖം കൊണ്ടും,ശരീരംകൊണ്ടും ധാരാളം അനാവശ്യ ചലനങ്ങള്‍ പ്രകടിപ്പിക്കും.സദാ മുന്‍പോട്ടും പിന്‍പോട്ടും ആടിക്കൊണ്ടിരിക്കുക,കൈകള്‍ അനാവശ്യമായി ഒരു പ്രത്യേക താളത്തില്‍ ആട്ടുക എന്നിങ്ങനെയുള്ള തുടര്‍ച്ചയായ ചലനങ്ങള്‍ ഇവര്‍ക്ക് നിയന്ത്രിക്കാന്‍ കഴിയില്ല.
ലോകത്തിലെ ഏറ്റവും വലിയ ധനികരില്‍ ഒരാളും , മൈക്രോസോഫ്റ്റിന്റെ ചെയര്‍മാനുമായ ബില്‍ ഗേട്സ് ഒടിസം ബാധിച്ചയാളാണ് എന്നൊരു ധാരണ പരക്കെയുണ്ട്. ഈ അസുഖം ബാധിച്ചവരുടെ ചില ചേഷ്ട്ടകള്‍ ( മുന്‍പോട്ടും പിറകോട്ടും സദാ ആടിക്കൊണ്ടിരിക്കുക, മുഖംകൊണ്ടുള്ള അനാവശ്യ ചെഷ്ട്ടകള്‍ …) അദ്ദേഹം പ്രകടിപ്പിക്കാറുണ്ടെങ്കിലും അദ്ദേഹം ഈ രോഗ ബാധിതനാണെന്ന് ശാസ്ത്രീയമായി തെളിയിച്ചിട്ടില്ല.
1000 കുട്ടികളില്‍ 8 പേര്‍ക്ക് ഈ രോഗം ഉണ്ട് എന്നാണു പഠനങ്ങള്‍ വെളിപ്പെടുത്തുന്നത് . വ്യക്തിത്വ വൈകല്യം ,പഠന വൈകല്യം,അപസ്മാരം,വിഷാദ രോഗം എന്നിവ ഈ രോഗ ബാധിതരില്‍ ഉണ്ടാകാനുള്ള സാധ്യത കൂടുതലാണ്.
ബ്രെയിന്‍ എം ആര്‍ ഐ സ്കാന്‍ ,സി ടി സ്കാന്‍ എന്നിവയിലൂടെ ഒടിസം കണ്ടുപിടിക്കാനാകും. ആദ്യമാസങ്ങളില്‍ തന്നെ രോഗം കണ്ടെത്തി ചികിത്സ തുടങ്ങിയാല്‍ ഈ രോഗം ഒരുവിധം നിയന്ത്രിക്കാനാകും.
ഒടിസം ബാധിച്ച കുഞ്ഞുങ്ങളെ സാധാരണ കുട്ടികളുടെ കൂടെ സ്കൂളില് പഠിപ്പിക്കരുത്. ഇവരെ പഠിപ്പിക്കുന്നതിനായി ഇന്ന് സ്പെഷ്യല്‍ സ്കൂളുകള്‍ ഉണ്ട് . അവിടെ മാത്രം പഠിപ്പിക്കുക. ബീഹേവിയറല്‍ തെറാപ്പി (behavioral therapy ) ,കേള്‍വിശക്തി മെച്ചപ്പെടുത്തുന്നതിനായുള്ള ഓഡിറ്ററി ഇന്റെഗ്രേഷന്‍ തെറാപ്പി (auditory integration therapy ),സ്പീച്ച് തെറാപ്പി(speech therapy ),മാനസികാരോഗ്യം മെച്ചപ്പെടുത്തുന്നതിനായുള്ള ചികിത്സ ( psychological therapy ) എന്നിവ ഏകോപിപ്പിച്ചുള്ള ചികിത്സ നല്‍കണം.
മറ്റെന്തിനേക്കാളേറെ ഈ രോഗികള്‍ക്ക് ആവശ്യം അംഗീകാരമാണ് . സഹതാപത്തെക്കാള്‍ നമ്മളില്‍ നിന്നും അവര്‍ക്ക് ലഭിക്കേണ്ടത് നമ്മളില്‍ ഒരാളാണ് അവരും എന്ന അംഗീകാരം ആണ്.
